ლევან ბერძენიშვილი - როგორც ჩანს კვირიკაშვილმა  ივანიშვილის განცხადება გაიგო ისე, რომ დაჭერის სანაცვლოდ სალომე ზურაბიშვილის მხარდაჭერა არის  ინდულგენცია

როგორც ჩანს გიორგი კვირიკაშვილმა ბიძინა ივანიშვილის განცხადება ისე გაიგო, რომ ნაცვლად იმისა, რომ დაიჭირონ, სალომე ზურაბიშვილის მხარდაჭერა არის ინდულგენცია, - ამის შესახებ „რესპუბლიკური პარტიის“ ერთ-ერთმა ლიდერმა ლევან ბერძენიშვილმა „ინტერპრესნიუსთან“ საუბრისას განაცხადა. მისი თქმით, არ შეიძლება სალომე ზურაბიშვილი მხარდაჭერილი იყოს მხოლოდ იმიტომ, რომ ბიძინა ივანიშვილმა ასე მოისურვა.

„გიორგი კვირიკაშვილმა ბიძინა ივანიშვილის განცხადება ასე გაიგო, რომ ნაცვლად იმისა, რომ დაიჭირონ, სალომე ზურაბიშვილის მხარდაჭერა არის ინდულგენცია. მიუხედავად ამისა ყველაზე ნაკლები შეკითხვა მაგ კაცთან გვაქვს. მაგრამ თუ ჩაერთვება ის პოლიტიკურად, ზუსტად იმაში ჩაერთვება, რაშიც სხვები არიან ჩართული - უპერსპექტივო და ცუდ საქმეში, რადგან სალომე ზურაბიშვილის მხარდაჭერა სირცხვილი გახდა, იმიტომ, რომ კანდიდატი, რომელიც ხალხს ემალება და რომლის უზრდელობამ მთელი მსოფლიო გააოცა, არ შეიძება მხარდაჭერილი იყოს მხოლოდ იმის გამო, რომ ბიძინა ივანიშვილმა თქვა, რომ ყველას ყველაფერს გაპატიებთ, ოღონდ მოდი ახლა სალომე ზურაბიშვილმა მოიგოსო“, - განაცხადა ლევან ბერძენიშვილმა.

ყოფილმა პრემიერ-მინისტრმა გიორგი კვირიკაშვილმა განცხადება გაავრცელა. მთავრობის ყოფილი მეთაური აცხადებს, რომ „მთელი ეს პერიოდი სიჩუმე არჩია და არც ახლა აპირებს პოლიტიკურ აქტივობას“, თუმცა მხარს უჭერს ფასეულობებს, რომელსაც 2012 წელს ქართველმა ხალხმა დაუჭირა მხარი. გიორგი კვირიკაშვილი მიიჩნევს, რომ დღეს ეს ფასეულობები გადასარჩენია.

რასიმ მუსაბეკოვი  -  ის, რასაც პოსტსაბჭოთა სივრცეში სეპარატისტული „ბარდაკი“ ჰქვია, უნდა დასრულდეს
სტეპან გრიგორიანი - თუ აზერბაიჯანულ-სომხურ დაპირისპირებაში  თურქეთი ჩაერევა, ასეთ შემთხვევაში ამ პროცესში რუსეთიც ჩაერთვება
ქართული პრესის მიმოხილვა 28.09.2020
გიორგი მელიქიძე - საპენსიო სააგენტოს საინვესტიციო საქმიანობის შედეგი გამოიხატება მონაწილეებისათვის ადეკვატური პენსიით
შეუდარებელი QLED 8K ტელევიზორი სამსუნგისგან
Jeep-ის ცენტრში დიდი ფასდაკლების აქცია დაიწყო