გიორგი კახიანი ეკა ბესელიას შესახებ - ვიცე-სპიკერის თანამდებობა მაღალი პოლიტიკური თანამდებობაა და ასეთი ცვლილება რომც განხორციელდეს, მხოლოდ დაწინაურებას ნიშნავს

პარლამენტის საპროცედურო საკითხთა და წესების კომიტეტის თავმჯდომარის, გიორგი კახიანის განცხადებით, იურიდიულ საკითხთა კომიტეტის თავმჯდომარის, ეკა ბესელიას მიერ თანამდებობის შესაძლო დატოვების შესახებ გუნდში საუბარი არ ყოფილა.

როგორც კახიანმა განაცხადა, მან არ იცის თუ რას ეფუძნება ინფორმაცია, რომელიც გავრცელდა.

"ვერ გეტყვით რას ეფუძნება ეს ინფორმაცია. ის მშვენივრად ახორციელებს იმ მოვალეობას, რაც იურიდიულ საკითხთა კომიტეტის თავმჯდომარეს აკისრია. რაიმე მსჯელობა ცვლილებებზე გუნდში არ ყოფილა. არავითარი კრიტიკა ეკა ბესელიასთან დაკავშირებით არ ყოფილა, პირიქით, იურიდიული კომიტეტი წარმატებულად ფუნქციონირებს. ვიცე-სპიკერის ერთ-ერთი პოსტი ვაკანტურია ნამდვილად. მე მხოლოდ შემიძლია ვთქვა, რომ ვიცე-სპიკერის თანამდებობა მაღალი პოლიტიკური თანამდებობაა და ასეთი ცვლილება რომც განხორციელდეს, ეს მხოლოს დაწინაურებას ნიშნავს. თუმცა, გუნდში ასეთი მსჯელობები არ ყოფილა", - განაცხადა გიორგი კახიანმა.

„ინტერპრესნიუსის“ ინფორმაციით,“ქართული ოცნების“ დეპუტატმა ეკა ბესელიამ, შესაძლოა, იურიდიულ საკითხთა კომიტეტის თავმჯდომარის თანამდებობა დატოვოს და კომიტეტის თავმჯდომარის სავარძლიდან პარლამენტის სპიკერატში გადაინაცვლოს. როგორც “ინტერპრესნიუსს“ განუცხადეს, კომიტეტის თავმჯდომარის პოსტის სანაცვლოდ, ბესელიამ პარლამენტის ვიცე-სპიკერის თანამდებობაზე არჩევის შეთავაზება მიიღო (უმრავლესობის კვოტით ვიცე-სპიკერის ერთი ადგილი პარლამენტში ვაკანტურია), რათა აღნიშნულ გადაწყვეტილებას მისი თანამდებობრივი დაქვეითების სახე არ მიეცეს.

იხილეთ ვიდეო: გიორგი კახიანი ეკა ბესელიას შესახებ - ასეთი ცვლილება რომც განხორციელდეს, მხოლოდ დაწინაურებას ნიშნავს

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო