საქართველოში ნორვეგიის საელჩო გაიხსნება
ნორვეგიამ საქართველოში საელჩოს გახსნის გადაწყვეტილება მიიღო. ამის შესახებ ნათქვამია ნორვეგიის საგარეო უწყების მიერ გავრცელებულ განცხადებაში.
„საქართველო ევრაზიის რეგიონში ჩვენი ერთ-ერთი პრიორიტეტული პარტნიორია. წლების განმავლობაში საქართველო ახორციელებს რეფორმებს, რამაც ის დააახლოვა ევროპული და ევროატლანტიკური თანამშრომლობის სტრუქტურებთან. ნორვეგიის ინტერესებისა და სამხრეთ კავკასიის ქვეყნებთან ჩვენი კავშირების შეფასების საფუძველზე ნორვეგიამ გადაწყვეტილება მიიღო საქართველოში საელჩოს გახსნაზე“, - განაცხადა ნორვეგიის საგარეო საქმეთა მინისტრმა.
ამავდროულად, ბაქოში ნორვეგიის საელჩო დაიხურება. საქართველოში ნორვეგიის საელჩო 2019 წელს გაიხსნება.
