Al Jazeera - ჟურნალისტმა ხაშოგმა სიკვდილის წინ წარმოთქვა ფრაზა: „ვიხუთები. მომხსენით ეს ტომარა თავიდან, კლაუსტროფობია მაქვს“

საუდელმა ჟურნალისტმა ჯამალ ხაშოგიმ, რომელიც სტამბოლში, საუდის არაბეთის საკონსულოში მოკლეს, სიკვდილის წინ წარმოთქვა ფრაზა: „ვიხუთები“. ამის შესახებ ინფორმაციას ტელეარხი Al Jazeera თურქული გამოცემა Daily Sabah-ის ჟურნალისტზე ნაზიფ ქარამანზე დაყრდნობით ავრცელებს.

„ვიხუთები. მომხსენით ეს ტომარა თავიდან, კლაუსტროფობია მაქვს“, - იყო ჯამალ ხაშოგის სიტყვები, რომელიც აუდიოჩანაწერში ისმის.

ნაზიფ ქარამანის თქმით, აუდიოჩანაწერიდან ირკვევა, რომ საუდელ ჟურნალისტს შვიდი წუთის განმავლობაში კლავდნენ. მისივე თქმით, გამოცემა Daily Sabah უახლოეს დროში გამოაქვეყნებს ჯამალ ხაშოგის სიცოცხლის ბოლო წუთების აუდიოჩანაწერს.

შეგახსენებთ, რომ საუდელი ჟურნალისტი ჯამალ ხაშოგი ერ-რიადის მიმართ კრიტიკული განცხადებებით იყო ცნობილი. 2017 წელს მან სამშობლო დატოვა და საცხოვრებლად აშშ-ში გადავიდა. მიმდინარე წლის 2 ოქტომბერს ის სტამბოლში, საუდის არაბეთის გენერალურ საკონსულოში მივიდა, მას შემდეგ რაც საკონსულოს თანამშრომლები მას ტელეფონით დაუკავშირდნენ და გარკვეული დოკუმენტების ხელმოწერის მიზნით საკონსულოში მისვლა სთხოვეს.

19 ოქტომბერს საუდის არაბეთის გენერალურმა პროკურორმა საუდ ალ-მუაჯიბმა განაცხადა, რომ ხაშოგი საუდის არაბეთის საკონსულოში მომხდარი ჩხუბის შედეგად გარდაიცვალა. ამ საქმეზე უკვე დაკავებულია საუდის არაბეთის 18 მოქალაქე.

რასიმ მუსაბეკოვი  -  ის, რასაც პოსტსაბჭოთა სივრცეში სეპარატისტული „ბარდაკი“ ჰქვია, უნდა დასრულდეს
სტეპან გრიგორიანი - თუ აზერბაიჯანულ-სომხურ დაპირისპირებაში  თურქეთი ჩაერევა, ასეთ შემთხვევაში ამ პროცესში რუსეთიც ჩაერთვება
ქართული პრესის მიმოხილვა 30.09.2020
გიორგი მელიქიძე - საპენსიო სააგენტოს საინვესტიციო საქმიანობის შედეგი გამოიხატება მონაწილეებისათვის ადეკვატური პენსიით
წარმოების სრული ავტომატიზაცია - „გზაჯვარედინისა“ და BDO-ს პარტნიორობის წარმატებული ქეისი
ფინკა ბანკის მმართველ გუნდს ირაკლი ელაშვილი უხელმძღვანელებს
ჰიუნდაი ავტო საქართველო საშემოდგომო ფასდაკლებების აქციას იწყებს
"მადლიერების ჩიტი" ბატონ ჯემალ ჭკუასელს