იტალიაში ფინანსური გვარდიის სპეცდანაყოფმა დანაშაულებრივი ორგანიზაციის „ნდრანგეტას“ 24 წევრი დააკავა, მათ შორის ყოფილი პარლამენტარია.
ამის შესახებ ინფორმაციას კატანძაროს პროვინციის პროკურატურა ავრცელებს.
სპეცოპერაციას კალაბრიას ოლქის მაფიის წინააღმდეგ ბრძოლის სამმართველო კოორდინირებდა, სადაც „ნდრანგეტას“ კლანის პოზიციები განსაკუთრებით ძლიერია, მათ შორის მაფიისა და ადგილობრივი ადმინისტრაციის მჭიდრო კავშირების გამო.
დაკავებულებს შორის ადგილობრივი პოლიტიკური ელიტის რამდენიმე წარმომადგენელი აღმოჩნდა, მათ შორის ყოფილი პარლამენტარი პინო გალატი. ოპერაციის ფარგლებში 10 მილიონის ევროს ღირებულების საკუთრების კონფისკაცია განხორციელდა.