ევროკავშირის წარმომადგენლის შეფასებას საარჩევნო გარემოსთან დაკავშირებით, „ევროპული საქართველოს“ წარმომადგენელი სერგო რატიანი აფასებს. როგორც სერგო რატიანმა ჟურნალისტებთან განმარტა, დესტაბილიზაციის საფრთხე ხელისუფლებიდან მოდის, რომელმაც დაამკვიდრა ძალადობა.

„ამის საფუძველი არის „ქართული ოცნება“, რომელმაც ბოლო 6 წლის განმავლობაში დაამკვიდრა ძალადობა, სიძულვილის ენა და ძალადობრივი ქმედებები, როგორიც იყო ახალქალაქში. ქართული საზოგადოება, ოპოზიცია და ასევე არასამთავრობოები ვართ გარანტი ამ ქვეყანაში იმისა, რომ იქნება სტაბილურობა, მშვიდობიანად ჩაივლის არჩევნები და „ქართული ოცნება“ ყოველგვარი დიდი რყევების გარეშე მოსცილდება ხელისუფლებას. დღეს ამის გარანტი ვერ არის ხელისუფლება, მათგან მოდის დესტაბილიზაციის საფრთხე“, - განაცხადა სერგო რატიანმა.