საფრანგეთი აშშ-ს მოკავშირეა და არა ვასალი, - ეს განცხადება ემანუელ მაკრონმა ფრანგული ტელეკომპანიისთვის მიცემული ინტერვიუს დროს გააკეთა.

“საფრანგეთი და აშშ ერთმანეთს პატივისცემით უნდა მოეპყრონ. აშშ ჩვენი ისტორიული მოკავშირეა და მომავალშიც ასე იქნება, მაგრამ იყო მოკავშირე, არ ნიშნავს იყო ვასალი სახელმწიფო. ჩვენ არავისზე დამოკიდებულები არ უნდა ვიყოთ, განსაკუთრებით კი აშშ-ზე“, - განაცხადა მაკრონმა.

საფრანგეთის პრეზიდენტის ამ განცხადებას წინ მის მიმართ დონალდ ტრამპის კრიტიკული გამონათქვამები და “ტვიტერში” გამოქვეყნებული პოსტები უძღოდა. აშშ-ს პრეზიდენტმა საფრანგეთის ლიდერი ერთიანი ევროპული ჯარის შექმნის შესახებ ინიციატივის გამო არაერთხელ გააკრიტიკა. ჯარის შექმნის იდეას მან შეურაცხმყოფელი უწოდა, მაკრონს კი მისი დაბალი რეიტინგი შეახსენა.