გიორგი ხანიშვილი თურქეთის საგარეო ეკონომიკური ურთიერთობების საბჭოს დელეგაციის წარმომადგენლებს შეხვდა

გარემოს დაცვისა და სოფლის მეურნეობის მინისტრის მოადგილე გიორგი ხანიშვილი თურქეთის უმსხვილესი ბიზნესგაერთიანების - თურქეთის საგარეო ეკონომიკური ურთიერთობების საბჭოს (DEIK) დელეგაციის წარმომადგენლებს შეხვდა. დელეგაციას DEIK-ის თურქეთ-საქართველოს ბიზნესსაბჭოს თავმჯდომარე ჯემალ იანგინი ხელმძღვანელობდა.

როგორც „ინტერპრესნიუსს“ გარემოს დაცვისა და სოფლის მეურნეობის სამინისტროდან აცნობეს, შეხვედრაზე გიორგი ხანიშვილმა ქვეყნებს შორის სტრატეგიული პარტნიორობის მნიშვნელობაზე ისაუბრა და საინვესტიციო პოტენციალის გაცნობის მიზნით, საქართველოს თავისუფალ ბიზნეს გარემოსა და მოქნილ საგადასახადო სისტემაზე გაამახვილა ყურადღება. მინისტრის მოადგილემ ასევე, ქვეყანაში სოფლის მეურნეობის სექტორის სწრაფი განვითარების პოტენციალს გაუსვა ხაზი.

თურქეთის ელჩმა ჯერენ იაზგინმა შეხვედრაზე აღნიშნა, რომ თურქეთის სახელმწიფო საქართველოდან აგროსასურსათო პროდუქციის იმპორტით არის დაინტერესებული. ამასთანავე, ყურადღება გაამახვილა, საქართველოში არსებულ ხელსაყრელ კლიმატურ პირობებზე, რაც ბიო-სოფლის მეურნეობის განვითარების შესაძლებლობას იძლევა.

შეხვედრაზე საუბარი შეეხო, საექსპორტო პროდუქციის ტრანსპორტირების გამარტივების საკითხებს.

მინისტრის მოადგილემ ხაზგასმით აღნიშნა, რომ თურქეთი საქართველოსთვის მნიშვნელოვანი სავაჭრო პარტნიორია და ქვეყნებს შორის სავაჭრო-ეკონომიკური ურთიერთობების გაღრმავებას დიდი პოტენციალი აქვს.

შეხვედრას თურქეთის ელჩი საქართველოში ჯერენ იაზგინი, "ზირაათ ბანკი"ს ქართული ფილიალის დირექტორი მეჰმედ ებარი და სამინისტროს სიტემაში შემავალი სხვადასხვა სექტორის წარმომადგენლები ესწრებოდნენ.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 13.12.2019
თემურ გოჩიტაშვილი - TANAP-ის ამოქმედების შედეგად საქართველო საერთაშორისო მასშტაბის მოთამაშედ ჩამოყალიბდა
ქართული USB კაბელი ტენე, მალე მეორადი ნარჩენებისგან დამზადდება
მედიკამენტებით უზრუნველყოფის გაუმჯობესების პროგრამის ფარგლებში PSP თურქეთის წამყვანი ფარმაცევტული კომპანიის „აბდი იბრაჰიმის“ ხელმძღვანელობას შეხვდა
ახალი წლიდან სილქნეტის ოპტიკურ ქსელში სატელევიზიო პაკეტები იცვლება
„ავერსში“ ლარის კურსის გამყარებასთან დაკავშირებით მედიკამენტებზე ფასების გაიაფება დაიწყო
2021 წლიდან, ყულევში თანამედროვე ტექნოლოგიების შესაბამისი ნავთობგადამამუშავებელი ქარხნის მშენებლობა იგეგმება