გაერთიანებული ოპოზიციის წევრი მანანა ჯებაშვილი -  ონკოლოგიური პროგრამა უნდა გაფართოვდეს

უნდა გაფართოვდეს ონკოლოგიური პროგრამა, რომელიც სკრინინგის გარდა მოიცავს დაავადების ყველა ეტაპზე, ყველა სტადიაში, ყველა მეთოდით მკურნალობას და მხარდაჭერას სახელმწიფოს მხრიდან, – ამის შესახებ ნათქვამია გაერთიანებული ოპოზიციის „ძალა ერთობაშიას" წევრი ორგანიზაცია „საქართველოს პარლამენტართა საზოგადოების“ თავმჯდომარის, ექიმ მანანა ჯებაშვილის განცხადებაში.

მე-6 მოწვევის პარლამენტის ჯანდაცვის კომიტეტის წევრი და ჯანდაცვის მინისტრის ყოფილი მოადგილე თავისი განცხადებით ქრონიკული დაავადებების მკურნალობის საკითხს ეხმაურება.

მისი თქმით, გაერთიანებული ოპოზიციის მიერ შემუშვებული ჯანდაცვის პროგრამის ერთ-ერთი პრიორიტეტული მიმართულება, ქრონიკული დაავადებების მკურნალობასთან ერთად, პირველადი ჯანდაცვის რგოლის გაძლიერებაა, რომელიც მოახდენს სხვადასხვა მძიმე დაავადებათა პრევენციას და ადრეულ სტადიაზე მათ გამოვლენას.

„ჩვენი ჯანდაცვის პროგრამა, სხვა პრიორიტეტულ მიმართულებებთან ერთად ითვალისწინებს პირველადი ჯანდაცვის რგოლის გაძლიერებას, დაავადებათა პრევენციას და პროფილაქტიკას. ეს უზრუნველყოფს ჯანმრთელობის ხშირ და საფუძვლიან შემოწმებას და შესაბამისად, დაავადებათა თავიდან აცილებას ან ადრეულ სტადიაზე გამოვლენას. ეს იმას არ ნიშნავს, რომ არ უნდა მოხდეს უკვე დაავადებული ან მძიმე პაციენტების მკურნალობა. არამედ, პირიქით, ჩვენი ხედვით, უნდა გაფართოვდეს ონკოლოგიური პროგრამა, რომელიც სკრინინგის გარდა მოიცავს დაავადების ყველა ეტაპზე, ყველა სტადიაში, ყველა მეთოდით მკურნალობას და მხარდაჭერას სახელმწიფოს მხრიდან,”- განაცხადა მანანა ჯებაშვილმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს