„ქართული ოცნების“ მიერ მხარდაჭერილი საპრეზიდენტო კანდიდატი სალომე ზურაბიშვილი ყოფილ პრეზიდენტ მიხეილ სააკაშვილს ანტისემიტიზმში ადანაშაულებს. საკითხი ეხება მიხეილ სააკაშვილის განცხადებას, რომ „ქართულმა ოცნებამ“ პიარისთვის „ებრაელი აფერისტი“ ჩამოიყვანა.

„ასეთი გამოთქმები საქართველოს ყოფილი პრეზიდენტის მიერ ანტისემიტურ გამოთქმებში ჯდება, რაც საქართველოს არასოდეს ახასიათებდა. საქართველო მსოფლიოში ყოველთვის ცნობილი იყო იმით, რომ აქ ანტისემიტიზმი არასდროს არსებობდა. ეს არის შეურაცხყოფა საქართველოსი, ქართული ღირსების, ღირებულებებისა და მიუღებელია საქართველოს ყოფილი პრეზიდენტისგან“, - აღნიშნა ზურაბიშვილმა.