ზუგდიდში მამაკაცი, სავარაუდოდ, ცეცხლსასროლი იარაღით დაჭრეს
ზუგდიდში მამაკაცი, სავარაუდოდ, ცეცხლსასროლი იარაღიდან გასროლით დაჭრეს. ის ზუგდიდის რეფერალურ ჰოსპიტალში გადაუდებელი მედიცინის განყოფილებაშია გადაყვანილი და შესაბამისი სამედიცინო დახმარება უტარდება. ექიმების ცნობით, მამაკაცს ბარძაყის არეში, მრავლობითი ნაგლეჯი ჭრილობები აღენიშნება.
არსებული ონფორმაციით, დაჭრილი გარემოს დაცვისა და ზედამხედველობის სამეგრელო-ზემო სვანეთის დეპარტამენტის ყოფილი თანამშრომელია. შს სამინისტრო დაჭრის ფაქტს ადასტურებს. სხვა დეტალები ჯერჯერობით უცნობია. "დაჭრის ფაქტი დასტურდება. მამაკაცი საავადმყოფოშია გადაყვანილი. მის სიცოცხლეს საფრთხე არ ემუქრება. ფაქტთან დაკავშირებით აქტიური საგამოძიებო მოქმედებები მიმდინარეობს. დეტალებს ოდნავ მოგვიანებით გეტყვით", - განუცხადეს "ინტერპრესნიუსს" შსს-ში.
