ზუგდიდის მე-20 საარჩევნო უბნის თავმჯდომარე აცხადებს, რომ მას ყოფილი პროკურორი რომეო საჯაია ემუქრება. წულაია პოლიციაში განცხადების დაწერას აპირებს. სალომე წულაის თქმით, მუქარის შემცველი წერილები მან სხვა პირებისგანაც მიღო. კომისიის თავმჯდომარე სხვა დეტალებზე ჯერ არ საუბრობს.

„სამმართველოში შესვლის და განცხადების დაწერის შემდეგ ვისაუბრებ დეტალებზე. შეტყობინებები მომდის რომეო საჯაიასგან და სხვა პირებისგანაც. მემუქრებიან და მეუბნებიან, რომ მე არჩევნები გავაყალბე და ამის გამო უნდა დავისაჯო", - ამბობს წულაია.

სალომე წულაია დღეს პოლიციაში ასევე დაბარებულია სამაგიდო სიის დაკარგვასთან დაკავშირებით.

შეგახსენებთ, 28 ნოემბერს, 20-ე უბანში გაურკვეველ ვითარებაში დაიკარგა სამაგიდო სიის ერთი ფურცელი, რის გამოც ხმის მიცემის პროცედურა რამდენიმე წუთით შეჩერებული იყო.