საქართველოს პრეზიდენტი გიორგი მარგველაშვილი არჩეულ პრეზიდენტ სალომე ზურაბიშვილს ხვდება. შეხვედრა ავლაბრის საპრეზიდენტო რეზიდენციაში ამ წუთებში მიმდინარეობს.

გიორგი მარგველაშვილი სალომე ზურაბიშვილს ავლაბრის რეზიდენციის ეზოში, პირადად მიეგება. სტუმრის დასახვედრად ეზოში წითელი ხალიჩა იყო გაშლილი.

პრეზიდენტებს მედიასთან შეხვედრის დაწყებამდე კომენტარები არ გაუკეთებიათ.

ცნობისთვის, გიორგი მარგველაშვილსა და სალომე ზურაბიშვილს შორის საუბარი ადმინისტრაციული საკითხების გადაბარებასთან დაკავშირებით შედგება.

შეგახსენებთ, რომ საქართველოს მეხუთე პრეზიდენტის ინაუგურაცია 16 დეკემბერს გაიმართება.

იხილეთ ვიდეო: წითელი ხალიჩა და მოქმედი პრეზიდენტის მიგებება მომავალ შემცვლელს: მარგველაშვილმა ზურაბიშვილი ავლაბრის რეზიდენციაში მიიღო