ავღანეთის ჩრდილო-დასავლეთ ნაწილში რადიკალური მოძრაობა „თალიბანის“ თავდასხმის შედეგად, 14 ავღანელი სამხედრო დაიღუპა.

როგორც ტელეარხი Tolo News ჰერათის პროვინციის გუბერნატორის წარმომადგენელზე ჯაილანი ფარჰადზე დაყრდნობით იუწყება, ასევე გაიტაცეს 20 სამხედრო.

გუბერნატორის წარმომადგენლის თქმით, თავდასხმა სამხედროების პოსტზე გუშინ გვიან ღამით მოხდა.

მომხდარის სხვა დეტალები უცნობია.