გიგი წერეთელი - პარადოქსია, რომ ეუთო არ არის წარმოდგენილი სწორედ იმ ქვეყნებში, სადაც მის მხარდაჭერას ყველაზე დიდი სარგებელი ექნებოდა

ევროპული საქართველოს წევრი და ეუთოს საპარლამენტო ასამბლეის პრეზიდენტი გიგი წერეთელი მილანში ეუთოს მინისტრთა საბჭოს 25 სხდომაზე სიტყვით გამოვიდა. ამის შესახებ „ინტერპრესნიუსს“ „ევროპული საქართველოდან“ აცნობეს.

მათივე ინფორმაციით, ეუთოს საპარლამენტო ასამბლეაზე გამოსვლა ეხებოდა ასამბლეის გაძლიერებას, უკრაინაში მიმდინარე პროცესებს, რუსულ აგრესიასა, ეუთოს დახურულ მისიებს კავკასიაში. გიგი წერეთელის განცხადებით, პარადოქსია, რომ ეუთო არ არის წარმოდგენილი სწორედ იმ ქვეყნებში, სადაც მის მხარდაჭერას ყველაზე დიდი სარგებელი ექნებოდა, მაგალითად კავკასიაში.

„ამ რეგიონში ვითარება არ გაუმჯობესებულა. არ არსებობს რაიმე პროგრესი რუსეთ-საქართველოს კონფლიქტისა თუ მთიანი ყარაბაღის საკითხზე აზერბაიჯანსა და სომხეთს შორის არსებული კონფლიქტის მოგვარების პროცესში. სწორედ ამიტომ, მე კიდევ ერთხელ მოგიწოდებთ, დაუბრუნდეთ ამ საკითხს და გამონახოთ პოლიტიკური ნება, რომ ეუთოს მიეცეს შესაძლებლობა განახორციელოს თავისი საქმიანობა იქ, სადაც ამის საჭიროება ყველაზე მაღალია“, - განაცხადა გიგი წერეთელმა.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 25.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში