მინდია გოგოჭურს ბრალი ოფიციალურად წარედგინა
მინდია გოგოჭურის ადვოკატის ნიკოლოზ ბიბილაშვილის განცხადებით, რამე სამხილი ან პირდაპირი მტკიცებულება, რომ საქმე ეხება ჯგუფურ დანაშაულს, საქმის მასალებში ცალსახად არ ჩანს, - ამის შესახებ მან ჟურნალისტებს წინასწარი დაკავების იზოლატორიდან გამოსვლის შემდეგ განუცხადა, სადაც მისი დაცვის ქვეშ მყოფს ბრალი ოფიციალურად წაუყენეს.
"როგორც მინდია გოგოჭურს, ისე გიორგი რაზმაძეს ბრალად ედებათ ჯგუფურად ორი ცეცხლსასროლი იარაღის შეძენა-შენახვა. ამის კონკრეტული პირდაპირი მტკიცებულება ამ ეტაპზე მასალებში არ არსებობს, გარდა პოლიციელთა ჩვენებებისა, რომელთა ჩვენებაც ძალიან არასარწმუნო და არამყარია. საქმის ინტერესებიდან გამომდინარე არ მინდა, სიღრმისეულად შევიდე, თუმცა რამე სამხილი ან პირდაპირი მტკიცებულება ჯგუფურობის მომენტისა აქ ცალსახად არ ჩანს, ისევე, როგორც შეძენა-შენახვასთან. აღნიშნული ცეცხლსასროლი იარაღი ამოღებულია არა უშუალოდ საცხოვრებელი ბინიდან, არამედ კორპუსის მიმდებარე ტერიტორიიდან", - აღნიშნა ბიბილაშვილმა.
მისივე თქმით, რაც შეეხება დანაშაულის დაფარვას, გამოძიება ამტკიცებს, რომ გოგოჭურის მეგობარი იყო ძებნილი, მაგრამ საიდან უნდა სცოდნოდა გოგოჭურს ამის შესახებ, საქმეში მტკიცებულება წარმოდგენილი არ არის.
This is a modal window.
v-if="article.gallery" v-html="article.gallery"
