მოსამართლეთა 24-ე კონფერენციაზე მოსამართლეებმა იუსტიციის უმაღლესი სკოლის დამოუკიდებელი საბჭოს თავმჯდომარედ გიორგი ტყავაძე აირჩიეს.
როგორც ტყავაძემ ჟურნალისტებს განუცხადა, იუსტიციის უმაღლესი სკოლის უმნიშვნელოვანესი პრინციპია, მოამზადოს მოსამართლეობის კანდიდატები სასამართლო სისტემისთვის.
„ეს არის ძალიან საპასუხისმგებლო თანამდებობა და შესაბამისად, საჭიროა მაღალი, ევროპული სტანდარტებით მოსამართლეების მომზადება. იუსტიციის სკოლა დღეისთვის თანამშრომლობს საერთაშორისო ევროპულ ორგანიზაციებთან და მათთან თანამშრომლობის შედეგად იგეგმება ყოველი მომდევნო წლის საქმიანობა“,- აღნიშნა ტყავაძემ.