ბარნოვზე მოკლული თამარ გამრეკელაშვილის დედა - ვეფხია ბაქრაძე ამ სასჯელს იმსახურებდა
სასამართლომ სწორი გადაწყვეტილება მიიღო, ვეფხია ბაქრაძე იმსახურებდა ამ სასჯელს, - აღნიშნულის შესახებ ჟურნალისტებს ბარნოვზე მოკლული 25 წლის თამარ გამრეკელაშვილის დედამ, ნათელა გობაძემ განაჩენის გამოცხადების შემდეგ ჟურნალისტებს განუცხადა.
„სწორი გადაწყვეტილება მიიღო მოსამართლემ, პროკურატურამ, გამოძიებამ. დიდი მადლობა მინდა ვუთხრა მათ, რომ სწორად წაიყვანეს ეს პროცესი. კანონი არსებობს. ამ გადაწყვეტილებას ნამდვილად ველოდით, რომ მიიღებდა პროკურორიც და მოსამართლეც. მოსამართლეს არ დაუსახელებია კონკრეტულად რა დეტალებში გამტყუნდა, ან გამართლდა ჩემთან მიმართებით, მაგრამ რაც მთავარია, სასამართლომ სწორი გადაწყვეტილება მიიღო", -განაცხადა გობაძემ.
თბილისის საქალაქო სასამართლომ ბარნოვზე 25 წლის თამარ გამრეკელაშვილის მკვლელობაში ბრალდებულს უვადო თავისუფლების აღკვეთა შეუფარდა.
v-if="article.gallery" v-html="article.gallery"
