ოთარ კახიძე  - არ შეიძლება პოლიციას ხელმძღვანელობდეს ადამიანი, რომელიც ალიანსშია კრიმინალებთან, რათა ხმები მიიღოს

არ შეიძლება პოლიციას ხელმძღვანელობდეს ადამიანი, რომელიც ალიანსშია კრიმინალებთან, რათა ხმები მიიღოს, - ამის შესახებ „ევროპული საქართველოს“ წევრმა ოთარ კახიძემ შს მინისტრის პოლიტიკურ პასუხისგებასთან დაკავშირებით განაცხადა.

ოთარ კახიძის თქმით, შს მინისტრი სამეგრელოში იყო ჩასული და პირად კონტროლზე ჰქონდა აყვანილი პირველ და მეორე ტურებს შორის იქ არსებული სიტუაცია. შესაბამისად, კახიძე გამორიცხავს, რომ გახარიას არ სცოდნოდა და არ ყოფილიყო საქმის კურსში მოსახლეობაზე ზეწოლის ფაქტების შესახებ.

„მიმაჩნია, გიორგი გახარიაც პოლიტიკურად არის პასუხისმგებელი იმ ფაქტზე და იმ ზეწოლაზე, რომელიც განიცადა მოსახლეობამ კონკრეტულად სამეგრელოში, მაგრამ არა მხოლოდ იმიტომ, რომ მინისტრის პასუხისმგებლობა ბევრად უფრო მძიმდება, როდესაც ჩვენ ვიცით და ეს არის საყოველთაო ცნობილი ფაქტი, რომ თავის თვალით ნახა, როგორც ამომრჩევლებმა, ისე სახლში დარჩენილმა ტელევიზორიდან, რომ შს მინისტრი იყო გარიგებული კრიმინალურ ავტორიტეტებთან. არ შეიძლება პოლიციას ხელმძღვანელობდეს ადამიანი, რომელიც ალიანსში არის კრიმინალებთან, რათა ხმები მიიღოს. სახელმწიფო არ შეიძლება დანაშაულთან შედიოდეს ალიანსში. დანაშაული თავისი არსით არის ანტისახელმწიფოებრივი მოვლენა. ამიტომ, ჩვენ ახლა გვაქვს სრულიად მარაზმატიკული სიტუაცია, როდესაც შს მინისტრი გვიანონსებს მართწესრიგის ოფიცრის რეფორმას, რომელიც ერთი შეხედვით სწორი ნაბიჯია – მარცხენა ხელით ამას აკეთებს და მარჯვენა ხელით, ხელს ართმევს კრიმინალებს და ძველ ბიჭებს“, – განაცხადა ოთო კახიძემ.

მისივე თქმით, წელიწადზე მეტი გავიდა და დღემდე არ არის დასჯილი და გამოვლენილი ოფიციალურად დათუნა სარალიძის მკვლელი.

„ისინი დღემდე განაგრძობენ ამ მკვლელისთვის ხელის დაფარებას, მიუხედავად იმისა,რომ „ევროპულმა საქართველომ“ და საგამოძიებო კომისიამ გამოავლინა კონკრეტულად ჯგუფური მკვლელობის კონკრეტული მონაწილე. ამიტომ, შს მინისტრს დაუგროვდა ეს თემები“, - განაცხადა ოთარ კახიძემ.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 21.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა