საქართველოში გრიპის ვირუსი ლაბორატორიულად დადასტურდა
საქართველოში გრიპის ვირუსი ლაბორატორიულად უკვე დადასტურდა, - ამის შესახებ დაავადებათა კონტროლის ცენტრის ხელმძღვანელმა ამირან გამყრელიძემ განაცხადა.
„ჩვენს ვებ-გვერდზე ნახავთ, რომ გრიპის ვირუსი ჩვენს ქვეყანაში დადასტურებულია. ლაბორატორიულად დადასტურებული დაახლოებით 10 შემთხვევა უკვე გვაქვს. მოსახლეობას ამ თვალსაზრისით მოვუწოდებთ, რომ შესაბამისი პრევენციული ღონისძიებები დაიცვას - აცრა არის ყველაზე უკეთესი პრევენციული ღონისძიება", - განაცხადა ამირან გამყრელიძემ.
მისივე თქმით, აუცილებელია ზოგადი ჰიგიენური ნორმების დაცვა, ოთახის განიავება და მაღალი ტემპერატურის შემთხვევაში ოჯახის ექიმისთვის მიმართვა.
იხილეთ ვიდეო: საქართველოში გრიპის ვირუსი ლაბორატორიულად დადასტურდა
