თბილისში, ჭყონდიდელის ქუჩაზე მდებარე სამშენებლო ობიექტიდან მუშა გადმოვარდა და გარდაიცვალა.

48 წლის მამაკაცი სხეულის დაზიანებით კლინიკაში გადაიყვანეს, სადაც მოგვიანებით გარდაიცვალა.

როგორც „ინტერპრესნიუსს“ შს სამინისტროში განუცხადეს, სამშენებლო ობიექტზე მომხდარ ფაქტზე გამოძიება სსკ-ის 240 მუხლით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.