ე.წ ციანიდის საქმეზე საკონსტიტუციო სასამართლოში საქმის არსებითი განხილვა გრძელდება
ე.წ ციანიდის საქმეზე საქართველოს საკონსტიტუციო სასამართლოში საქმის არსებითი განხილვა გრძელდება.
დღევანდელ სხდომაზე მხარეები დასკვნით სიტყვას წარმოთქვამენ. დავის საგანია ის ნორმები, რომელიც დაცვის მხარეს გაუთქმელობის ვალდებულებას აკისრებს.
დეკანოზ გიორგი მამალაძის ადვოკატები აცხადებენ, რომ გაუთქმელობის ვალდებულებით მათ დაცვის უფლება შეეზღუდათ, რის გამოც ბრალდების მხარესთან არათანაბარ პოზიციაში აღმოჩნდნენ. დეკანოზის ადვოკატები იმედოვნებენ, რომ საკონსტიტუციო სასამართლო მათ სარჩელს დააკმაყოფილებს.
საკონსტიტუციო სასამართლოს მეორე კოლეგია დღეს დასკვნითი სიტყვის მოსმენის შემდეგ გადაწყვეტილების მისაღებად გავა.
