მარნეულის მუნიციპალიტეტის საჯარო ბიბლიოთეკაში დღეს რეჟისორ თომა ჩაგელიშვილის დოკუმენტური ფილმი – "მე არ გავკვეთე საზღვარი, საზღვარმა გადამკვეთა მე", აჩვენეს.

როგორც „ინტერპრესნიუსს“ მარნეულის მუნიციპალიტეტიდან აცნობეს, ფილმის ჩვენება CinéDOC-Tbilisi-ს საერთაშორისო დოკუმენტური კინოფესტივალის ფარგლებში მოხდა.

„რეგიონალური კინოჩვენებების ფარგლებში, წელს, ქვემო ქართლის მასშტაბით ნაჩვენები იყო ფესტივალის პროგრამაში არსებული ფილმები. დოკუმენტური ფილმის ჩვენებას მუნიციპალიტეტში მცხოვრები ახალგაზრდები დაესწრნენ, რომლებიც ჩვენების დასრულების შემდეგ გამართულ დისკუსიაშიც ჩაერთვნენ. აღნიშნული პროექტის მიზანს, საქართველოს რეგიონებში შემოქმედებითი დოკუმენტური ფილმის პოპულარიზაცია წარმოადგენს“, – აცხადებენ მუნიციპალიტეტში.