გიორგი გახარია - რუსთაველზე კარვებთან მიმართებაში გარკვეული უხერხულობა იყო, ამას ვაღიარებთ
რუსთაველზე კარვებთან მიმართებაში გარკვეული უხერხულობა იყო, თუმცა დროებითი და დროში შეზღუდული, ამას ვაღიარებთ, - ამის შესახებ შინაგან საქმეთა მინისტრმა გიორგი გახარიამ განაცხადა.
გახარიამ უპასუხა პარლამენტში, შესაბამის კითხვას, თუ რატომ იყო კარვების გაშლასთან დაკავშირებული პრობლემა.
„რა თქმა უნდა აქ იყო გარკვეული გამოწვევა, თუმცა კარავი არავის თვითმიზანი არ ყოფილა. რეალურად, პოლიცია ყოველთვის ზრუნავს და იმ მომენტშიც ზრუნავდა აქციის მონაწილეებზე, თუმცა კარვების დადგმა-არდადგმა არ არის ერთადერთი კომპონენტი გამოხატვის თავისუფლების შეზღუდვის ან არშეზღუდვის. იქ იყო გარკვეული უხერხულობა, ამას ვაღიარებთ ერთმნიშვნელოვნად. ეს უხერხულობა იყო დროებითი და დროში შეზღუდული. ამას ვაღიარებთ. იყო ოპერატიული ინფორმაცია და ეს ინფორმაცია სასამართლოს მივაწოდეთ იმ საქმის ფარგლებში, როელიც კარვებთან დაკავშირებით მიმდინარეობს“, - აღნიშნა მინისტრმა.
v-if="article.gallery" v-html="article.gallery"
