დავით ჭიჭინაძე - ნოტარიუსის კანტორად გადაიქცა აქაურობა, შემოგვრეკავენ აქ ნახირივით და ბეჭდებს გვარტყმევინებენ

შემოგვრეკავენ აქ ნახირივით და ბეჭდებს გვარტყმევინებენ კანონებზე, - ამის შესახებ ფრაქცია „პატრიოტთა ალიანსის" წევრმა, დავით ჭიჭინაძემ პარლამენტში, დარგობრივი ეკონომიკისა და ეკონომიკური პოლიტიკის კომიტეტის სხდომის დაწყებისას განაცხადა.

ჭიჭინაძემ აღნიშნული განცხადებით „საბაჟო კოდექსის“ დაჩქარებულად განხილვა გააპროტესტა.

„კიდევ ერთხელ დავრწმუნდი, რომ პარლამენტი კი არ არის, რაღაც ფორმალიზმის ბუდედ გადაიქცა ეს ყველაფერი. მაინტერესებს როგორ აპირებენ დეპუტატები საკითხის განხილვას, როცა არც კი აქვთ წაკითხული კანონპროექტი. რა კითხვები აქვთ კოლეგებს? ბევრი ნიუანსია ალბათ, რაც გამორჩება. პროტესტის ფორმად ალბათ ისღა რჩება, რომ კომიტეტზე კვორუმები არ შედგეს. ნოტარიუსის კანტორად გადაიქცა აქაურობა, შემოგვრეკავენ აქ ნახირივით და ბეჭდებს გვარტყმევინებენ", - განაცხადა დავით ჭიჭინაძემ.

ჭიჭინაძეს კომიტეტის თავმჯდომარემ, რომან კაკულიამ უპასუხა და განაცხადა, რომ პირადად მან ძირითადი ასპექტების გაცნობა მოასწრო.

დავით ჭიჭინაძემ ამის შემდეგ დეპუტატებს მიმართა და მოუწოდა, თუნდაც ორი მუხლი დაესახელებინათ, რომელიც კანონპროექტში ეწერა, ამის მსურველი კი მხოლოდ რომან კაკულია აღმოჩნდა.

დეპუტატების პროტესტის მიუხედავად, კომიტეტზე კანონპროექტს მაინც განიხილავენ.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია