ბიძინა გეგიძე - ვაპირებთ პარლამენტში მოვიწვიოთ იუსტიციის საბჭოს ის წევრები, რომლებიც უზენაესი სასამართლოს მოსამართლეობის კანდიდატურების წინააღმდეგ წავიდნენ

საპარლამენტო უმრავლესობის წარმომადგენლები პარლამენტში იუტიციის საბჭოს იმ წევრების მიწვევას გეგმავენ, რომლებიც უზენაესი სასამართლოს მოსამართლეობის კანდიდატების წინააღმდეგ წავიდნენ. შესაბამისი განცხადება სოციალურ ქსელში უმრავლესობის დეპუტატმა ბიძინა გეგიძემ გამოაქვეყნა.

„იუსტიციის უმაღლესი საბჭოს მიერ წარმოდგენილი უზენაესი სასამართლოს კანდიდატურების გამო ვაპირებთ პარლამენტში მოვიწვიოთ და შევხვდეთ იუსტიციის საბჭოს იმ წევრებს, რომლებიც ამ კანდიდატურების წინაღმდეგ წავიდნენ!“, - წერს გეგიძე.

აღნიშნულ განცხადებას „ქართული ოცნების“ მაჟორიტარი დეპუტატი ლევან გოგიჩაიშვილიც გამოეხმაურა. „როგორც საბურთალოს მაჟორიტარ დეპუტატს მნიშვნელოვნად მიმაჩნია შევხვდე მათ, ვინც ხმა არ მისცა პარლამენტში წარმოდგენილ უზენაეს სასამართლოს კანდიდატების სიას იუსტიციის საბჭოში“, - წერს ლევან გოგიჩაიშვილი.

იუსტიციის უმაღლესმა საბჭომ უზენაეს სასამართლოში წარსადგენ მოსამართლეთა 10 კანდიდატურა დაასახელა. შესაბამისი განცხადება იუსტიციის უმაღლესი საბჭოს მდივანმა გიორგი მიქაუტაძემ გააკეთა. ესენი არიან: მარიამ ცისკაძე, ნინო ქადაგიძე, მიხეილ ჩინჩალაძე, პაატა სილაგაძე, დიმიტრი გვრიტიშვილი, მერაბ გაბინაშვილი, ნინო სანდოძე, თამარ ალანია, გიორგი ტყავაძე და გიორგი მიქაუტაძე. საბჭოს აღნიშნულმა გადაწყვეტილებამ საბჭოს არამოსამართლე წევრებში, არასამთავრობო ორგანიზაციებსა და ოპოზიციაში უკმაყოფილება გამოიწვია.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 15.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
გამოიძახე ექიმი სახლში - REDMED ინოვაცია ქართულ სამედიცინო სფეროში
#იმოგზაურევისოლთანერთად - საქართველოს დაცულ ტერიტორიებზე მედია-ტური გაიმართა
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა