პარლამენტის პირველი ვიცე–სპიკერი თამარ ჩუგოშვილი მიიჩნევს, რომ ზვიად გამსახურდიას გარდაცვალების საქმის გამოძიების გახანგრძლივება, როგორც დამატებითი შესაძლებლობა, პროკურატურამ მაქსიმალურად უნდა გამოიყენოს.

„ამ საქმის გამოძიება არის მნიშვნელოვანი. ბუნებრივია, რომ თავისი სირთულეები აქვს, იმიტომ, რომ რამოდენიმე წლის წინ არის გარდაცვალების ფაქტი მომხდარი. ჩემთვის გასაგებია, რომ საგამოძიებო ორგანოებს უჭირთ გამოძიება, თუმცა ოჯახი და საზოგადოება ელოდება კითხვებზე პასუხს. ვფიქრობ, რომ ხანდაზმულობის ვადის გაგრძელება თუ არის დამატებითი შესაძლებლობა და შანსი იმისთვის, რომ დამატებითი გარემოება გამოვლინდეს, მაქსიმალურად უნდა იყოს პროკურატურის მხრიდან გამოყენებული“, - განაცხადა თამარ ჩუგოშვილმა.