საქართველოს რეფორმების სააგენტო, ან საქართველოს რეფორმების ფონდი შეიქმნება, - როგორც საგარეო საქმეთა მინისტრმა, დავით ზალკალიანმა ჟურნალისტებთან შეხვედრისას განაცხადა, აღნიშნული იდეა უკვე არსებობს და მისი დამუშავება მიმდინარეობს.

ზალკალიანის თქმით, აღნიშნული ფონდი შესაძლოა, პრემიერის დაქვემდებარებაში იყოს, თუმცა ვინ იქნებიან მისი წევრები, ან ვინ დაადგენს, რომელი რეფორმა იყო წარმატებული, ან რომელი არა, ჯერ გადაწყვეტილი არ არის.

„შესაძლოა ეს იყოს სსიპ-ის, ან ფონდის ფორმით. მნიშვნელოვანი იქნება, რომ ჩვენ ასევე გვექნება კონსულტაცია ყველა იმ მონათესავე უცხოურ კომპანიებთან, რომლებიც ამ მიმართულებით არიან აქტიურები. შესაძლებელია, რომ ჩვენ ბევრ ერთობლივ პროექტში შევამხანაგდეთ და აქტიურად იქნას მიტანილი ჩვენი რეფორმები მსოფლიოს სხვადასხვა კუთხეში. ამ ინიციატივას ბევრი მნიშვნელობა აქვს და ერთ-ერთი მნიშვნელობა შეიძლება იყოს ჩვენი ცნობადობის ამაღლება და საქართველოში მიმდინარე პროცესების კარგად წარმოჩენა“, - განაცხადა ზალკალიანმა.