რუსეთისა და ირანის სამხედრო-საზღვაო ძალები კასპიის ზღვაში სწავლებას გამართავენ. ამის შესახებ ინფორმაციას ირანული მხარე ავრცელებს.
როგორც ადგილობრივი საინფორმაციო სააგენტო ირანის სამხედრო-საზღვაო ძალების მეთაურზე, ჰოსეინ ხანზადზე დაყრდნობით იუწყება, ადგილობრივი სწავლება ორი ქვეყნის ტაქტიკური და სტრატეგიული თანამშრომლობის გაღრმავებას ემსახურება.
ხანზადს წვრთნების ზუსტი თარიღი არ დაუსახელებია, თუმცა მისი განცხადებით, სწავლება უახლოეს მომავალში გაიმართება.