აჭარაში სეზონურ ვირუსთან დაკავშირებით ჰოსპიტალურ მკურნალობას 170-მდე ადამიანი გადის, - ამის შესახებ „ინტერპრესნიუსს“ აჭარის საზოგადოებრივი ჯანდაცვის ცენტრში განუცხადეს.

მათი ინფორმაციით, უწყება იმ მოქალაქეებზე გასცემს ანტივირუსულ პრეპარატს, რომლებიც საზოგადოებრივ ჯანდაცვის ცენტრში ფორმა ნომერ ასს წარადგენენ.

ექიმები მოქალაქეებს მოუწოდებენ, რომ ვირუსის სიმპტომების შემთხვევაში უახლოეს პოლიკლინიკებს დროულად მიმართონ.

შეგახსენებთ, რომ აჭარაში H1N1 ვირუსის შედეგად 4 ადამიანი გარდაიცვალა.