სასწრაფო დახმარების მანქანის დაჯახების შედეგად დაშავებული ერთ-ერთი მუშის ჯანმრთელობის მდგომარეობა მისი ტრავმების შესაბამისია

სასწრაფო დახმარების მანქანის დაჯახების შედეგად დაშავებული ერთ-ერთი მუშის ჯანმრთელობის მდგომარეობა მისი ტრავმების შესაბამისია - მას ფეხის მძიმე დაზიანება აღენიშნებოდა, თუმცა ამპუტაცია არ დასჭირდა. ამის შესახებ „ინტერპრესნიუსს“ კლინიკა „ევექსის“ პრესსამსახურმა განუცხადა. მათი ინფორმაციით, უმძიმესი დაზიანების მიუხედავად, ფეხის შენარჩუნება მოხერხდა. კითხვაზე, რეაბილიტაციის შემდეგ შეძლებს თუ არა პაციენტი დაუბრკოლებლად სიარულს, კლინიკაში აცხადებენ, რომ ჯერ ამაზე პასუხი არ აქვთ.

„არ დასჭირდა ფეხის ამპუტაცია. ექიმებმა ძალიან დიდხანს იმუშავეს და ფეხის შენარჩუნება მოხერხდა. ჩაუტარდა რეკონსტრუქციული ტიპის ოპერაცია. უმძიმესი დაზიანება ჰქონდა. ოპერაციაზე იმუშავეს მიკროქირურგებმა, ნეიროქირურგებმა და დერმატოლოგებმა. ექიმებმა შეძლეს, რომ ასეთ მძიმე დაზიანებაზე ოპერაცია ფეხის ამპუტაციის გარეშე დამთავრებულიყო,“ - განაცხადა „ევექსის“ პრესსამსახურმა.

პრესსამსახურის ცნობით, მისი ჯანმრთელობის მდგომარეობა დაზიანებებისა და ტრავმების შესაბამისია. რაც შეეხება კლინიკაში მოთავსებულ მეორე პაციენტს, მისი ჯანმრთელობის მდგომარეობა სტაბილურია. ორივე მათგანი ამ დრომდე კლინიკაში რჩება.

შეგახსენებთ, რომ გუშინ ჭავჭავაძის გამზირზე სასწრაფო დახმარების მანქანა ტროტუარზე მდგომ მუშებს დაეჯახა, რის შედეგადაც 1 ადამიანი გარდაიცვალა, 12 კი დაშავდა. სასწრაფოს მძღოლი დაკავებულია.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია