ამირან გამყრელიძის ინფორმაციით, გრიპის ვირუსის გავრცელების მხრივ შედარებით სიმშვიდეა ქვემო ქართლსა და კახეთში, შედარებით დაძაბულია სიტუაცია აჭარასა და იმერეთში
რეგიონალური განაწილების მხრივ შედარებით სიმშვიდე გვაქვს ქვემო ქართლში და კახეთში, შედარებით დაძაბულია სიტუაცია აჭარასა და იმერეთში, ნაკლები - სამეგრელოში, - ამის შესახებ დაავადებათა კონტროლის ეროვნული ცენტრის გენერალურმა დირექტორმა ამირან გამყრელიძემ გრიპის ვირუსის გავრცელებასთან დაკავშირებით განაცხადა.
"ზოგადად ავადობის მაჩვენებელი კვირის ბოლოს ითვლება. წინა კვირაში 256 იყო და წინასწარი მონაცემები ამ კვირაშიც ამ დიაპაზონში იქნება. სასწრაფოს გამოძახების მაჩვენებელმა იკლო, თუმცა იზრდება თვითმიმართვიანობა. რეგიონალური განაწილების მხრივ შედარებით სიმშვიდე გვაქვს ქვემო ქართლში და კახეთში, შედარებით დაძაბულია სიტუაცია აჭარასა და იმერეთში, ნაკლები - სამეგრელოში. რა თქმა უნდა, რადგან ძირითადი საავადმყოფოები თბილისშია, დიდი დატვირთვა დედაქალაქზე მოდის", - განაცხადა გამყრელიძემ.
