ბათუმში, სასტუმრო „ჰილტონში" მინერალური სასუქების ტერმინალის მშენებლობის პრეზენტაციის პარალელურად, „ქართული მარშის" წევრმა ვატო მებურიშვილმა მცირე აქცია გამართა და ტერმინალის მშენებლობა გააპროტესტა.

როგორც მან განაცხადა, ბათუმი ტურისტული ქალაქია და ტერმინალის მშენებლობა ადამიანის ჯანმრთელობას საფრთხეს უქმნის.

ვატო მებურიშვილის პროტესტს საქართველოს ეკონომიკის მინისტრი გიორგი ქობულია გამოეხმაურა. მისი განცხადებით, მინერალური სასუქების ტერმინალის მშენებლობა მოქალაქეებსა და გარემოს საფრთხეს არ უქმნის. მინისტრის განცხადებით, მინერალური სასუქების ტერმინალის მშენებლობასთან დაკავშირებით მოქალაქეთა მეტი ინფორმირებულება მოხდება.