მერიის ინფორმაციით, ნაძალადევის რაიონში გასართობი და სპორტული სივრცეების მოწყობა გრძელდება

თბილისში, ქსნის ქუჩაზე, N12 კორპუსის მიმდებარე ტერიტორიაზე, ავტოსადგომის ნაცვლად, საბავშვო გასართობი მოედანი და ფიტნეს ზონა მოეწყო.

როგორც „ინტერპრესნიუსს“ თბილისის მერიიდან აცნობეს, ატრაქციონები და ტრენაჟორები კაუჩუკის საფარიან მოედანზე დამონტაჟდა, ასევე, განთავსდა საპარკე სკამები და ურნები.

მათივე ინფორმაციით, ახლად მოწყობილი სპორტულ-გასართობი სივრცე ნაძალადევის რაიონის გამგებელმა ირაკლი ხელაძემ თბილისის საკრებულოს მაჟორიტარ დეპუტატთან ალექსანდრე ხუჯაძესთან ერთად დაათვალიერა.

„ნაძალადევის რაიონში დასასვენებელი და სპორტული სივრცეების კეთილმოწყობა გრძელდება. აღნიშნული კორპუსის მიმდებარე ტერიტორიას მოსახლეობა ავტოსადგომად იყენებდა. ადგილობრივების მოთხოვნით, ახალი გასართობი მოედანი და ფიტნეს ზონა მოვაწყეთ, რომლითაც ცხრა კორპუსის მცხოვრებლები სარგებლობენ“, - განაცხადა ირაკლი ხელაძემ.

მსგავსი პროექტები მიმდინარე წელსაც გაგრძელდება. ატრაქციონები და სავარჯიშო ტრენაჟორები 20-მდე მისამართზე დამონტაჟდება.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა