პროკურატურამ  სამოქალაქო მოძრაობის „რუსეთი ოკუპანტიას“ აქტივისტი გიორგი მაქარაშვილი დაზარალებულად სცნო

პროკურატურამ გორის მუნიციპალიტეტის მერიის ადმინისტრაციული შენობის წინ, გასული წლის 10 ოქტომბერს მომხდარ ფაქტზე, სამოქალაქო მოძრაობის „რუსეთი ოკუპანტიას“ აქტივისტი გიორგი მაქარაშვილი დაზარალებულად სცნო.

როგორც „ინტერპრესნიუსს“ გენერალური პროკურატურიდან აცნობეს, იგი დაზარალებულად იქნა ცნობილი საქართველოს სისხლის სამართლის კოდექსის 1443-ე მუხლის მე-2 ნაწილის „ა“ ქვეპუნქტით.

„საქმეზე ჩატარებული გამოძიებით ირკვევა, რომ 2018 წლის 10 ოქტომბერს, სამოქალაქო მოძრაობის „რუსეთი ოკუპანტია“-ს აქტივისტები გიორგი მაქარაშვილი, ანა ჭარხალაშვილი და ლუკა იმედაშვილი, ქალაქ გორში, გორის მუნიციპალიტეტის მერიის ადმინისტრაციული შენობის წინ ატარებდნენ საპროტესტო აქციას. მათ, გორის მუნიციპალიტეტის მერიის ადმინისტრაციული შენობის წინ დაყარეს პურის მარცვალი და ნაკელი. აქციის დასრულების შემდეგ, მისი მონაწილეები კიბეებს ასუფთავებდნენ და მიტანილ ნაგავს პლასტმასის ურნაში ყრიდნენ, რა დროსაც გორის მუნიციპალიტეტის მერიის ადმინისტრაციული და შესყიდვების სამსახურის უფროსმა თეიმურაზ მანველიშვილმა აქტივისტ გიორგი მაქარაშვილს ნაგვით სავსე ურნა თავზე დააყარა, რითაც გიორგი მაქარაშვილი დაამცირა და პატივისა და ღირსების შემლახავ მდგომარეობაში ჩააყენა, რამაც მას ძლიერი ფსიქიკური ტკივილი და მორალური ტანჯვა მიაყენა. საქმეზე მიმდინარეობს გამოძიება“, - ნათქვამია გენერალური პროკურატურის ინფორმაციაში.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 26.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა