მარნეულში H1N1 ვირუსით ინფიცირების ორი შემთხვევა ლაბორატორიულად დადასტურდა. კლინიკა ,,ავერსში" მწვავე რესპირატორული დაავადებისათვის დამახასიათებელი სიმპტომებით 59 წლის მამაკაცი მოათავსეს. ექიმების განცხადებით, პაციენტის მდგომარეობა მძიმეა. ის რეანიმაციულ განყოფილებაში ბოქსირებულ პალატაშია მოთავსებული და მართვით სუნთქვაზე იმყოფება.

როგორც კლინიკაში აცხადებენ, სიმპტომებიდან გამომდინარე თავიდანვე ეჭვი H1N1-ზე მიიტანეს, რაც შემდგომ ლაბორატორიულადაც დადასტურდა. ამავე კლინიკაში H1N1 ვირუსით, 39 წლის ქალბატონიც მოათავსეს, რომელიც ასევე მართვით სუნთქვაზეა.