„დემოკრატიული მოძრაობის“ ლიდერი ნინო ბურჯანაძე, თანაპარტიელებთან ერთად, დიდ დიღომში აფეთქების შედეგად გარდაცვლილთა ოჯახებს სამძიმარს უცხადებს და დაზარალებულებს გამოჯანმრთელებას უსურვებს.

„უმძიმესი ტრაგედია დატრიალდა ჩვენს დედაქალაქში. ძნელია, ასეთი განსაცდელის დროს ვიპოვოთ სიტყვები და თანაგრძნობა გამოვუცხადოთ დაღუპულთა ოჯახებს. მწუხარებას გამოვთქვამთ და ვუსამძიმრებთ მათ. აფეთქებისას დაშავებულ ადამიანებს მალე გამოჯანმრთელებას ვუსურვებთ," - ნათქვამია „დემოკრატიული მოძრაობის“ ლიდერის ნინო ბურჯანაძის განცხადებაში.

დიდ დიღომში, საცხოვრებელ კორპუსში მომხდარი აფეთქების შედეგად გარდაცვლილია 4 და დაშავებულია 8 ადამიანი.