მშენებლობასთან დაკავშირებული კანონმდებლობა ერთი წლის წინ სწორედ კახა კალაძის და მერიის ინიციატივით გამკაცრდა, - განაცხადა უმრავლესობის ლიდერმა არჩილ თალაკვაძემ.

მისივე შეფასებით, ამ რთულ მომენტში ქალაქის მერი იდგა იქ, სადაც იყო მისი მოვალეობა და ყველაზე მაღალი პასუხისმგებლობა.

„ჩვენ დარგის სპეციალისტებთან ერთად გავაგრძელებთ მუშაობას უსაფრთხოების სტანდარტებთან დაკავშირებით - ეს ჩვენი ვალდებულებაა. პირველ რიგში, საცხოვრებელ სივრცეში გაზის დეტექტორების მონტაჟი და მისი გამოყენების სტანდარტი უნდა გახდეს საყოველთაო“, - განაცხადა თალაკვაძემ.