ფონიჭალაში მომხდარი აფეთქების შედეგად დაზარალებული 27 ოჯახი ამ დრომდე ქირით ცხოვრობს

თბილისში, 15 ნოემბერს, ფონიჭალაში მომხდარი აფეთქების შედეგად დაზარალებული 27 ოჯახი ამ დრომდე ქირით ცხოვრობს. როგორც „ინტერპრესნიუსს“ კრწანისის რაიონის გამგეობაში განუცხადეს, 90 ადამიანი ქირით მანამ იცხოვრებს, ვიდრე კორპუსის სარეაბილიტაციო სამუშაოები არ დასრულდება.

მათივე ინფორმაციით, ექსპერტიზის პასუხის თანახმად, კორპუსი გამაგრებას და რეაბილიტაციას ექვემდებარება.

თბილისის მერიის კეთილმოწყობის საქალაქო სამსახურის ინფორმაციით, ადგილზე ამ დრომდე მხოლოდ გაწმენდითი სამუშაოებია ნაწარმოები.

როგორც „ინტერპრესნიუსს“კეთილმოწყობის საქალაქო სამსახურში განუცხადეს, პროექტი უკვე შესყიდულია, თუმცა რეაბილიტაციის დაწყებამდე ის სამხარაულის ექსპერტიზის ეროვნულმა ბიურომ უნდა შეამოწმოს. მათივე ინფორმაციით, ჯერჯერობით ექსპერტიზის დასკვნა არ დადებულა. როგორც კეთილმოწყობის სამსახურში აცხადებენ, სავარაუდოდ, პროექტზე ექსპერტიზის პასუხი იანვრის ბოლოს იქნება, ამის შედეგ კი, სამშენებლო სამუშაოების მწარმოებელი კომპანია „ჯეი ბი“ სარეაბილიტაციო სამუშაოებს დაიწყებს. პროექტის სავარაუდო ღირებულება 400 ათასი ლარია. კეთილმოწყობის სამსახურის ინფორმაციით, კორპუსის რეაბილიტაციას დაახლოებით 4 თვე დასჭირდება.

ცნობისთვის, ფონიჭალაში ბუნებრივი აირის აფეთქების შედეგად 15 ნოემბერს დედა-შვილი გარდაიცვალა და რამდენიმე ადამიანი დაშავდა.

იხილეთ ვიდეო: ფონიჭალაში მომხდარი აფეთქების შედეგად დაზარალებული 27 ოჯახი ამ დრომდე ქირით ცხოვრობს

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 28.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ