საქართველოს ყოფილმა პრეზიდენტმა მიხეილ სააკაშვილმა პარტია „ბატკივშინას“ ლიდერის იულია ტიმოშენკოს კანდიდატურის საპრეზიდენტო არჩევნებზე წამოყენებას მხარი დაუჭირა.

დღეს კიევში პარტია „ბატკივშინას“ მე-14 ყრილობამ დაიწყო მუშაობა, რომლის ფარგლებში, იულია ტიმოშენკო ოფიციალურად იქნება წარდგენილი, როგორც უკრაინის პრეზიდენტობის კანდიდატი.

„უკრაინას შეუძლია დიდებული ქვეყანა გახდეს, მაგრამ საამისოდ საჭიროა პოროშენკოსა და მისი „ბანდის“ მოშორება. ამიტომაც ამ რბოლაში მე წარმატებებს ვუსურვებ უკრაინას, წარმატებებს ვუსურვებ იულია ტიმოშენკოს და თითოეულ თქვენგანს“, - განაცხადა მიხეილ სააკაშვილმა ვიდეომიმართვაში.

საქართველოს ყოფილმა პრეზიდენტმა ასევე აღნიშნა, რომ ტიმოშენკოს უკვე 20 წელია იცნობს და „ბედნიერია იმით, რომ მას მეგობრად მიიჩნევს“.