დავით ზალკალიანი პარაგვაის საგარეო საქმეთა მინისტრს შეხვდა

დავოსის ეკონომიკური ფორუმის ყოველწლიური კონფერენციის ფარგლებში, საგარეო საქმეთა მინისტრი დავით ზალკალიანი პარაგვაის საგარეო საქმეთა მინისტრს, ლუის ალბერტო კასტილიონს შეხვდა. ამის შესახებ „ინტერპრესნიუსს“ საქართველოს საგარეო საქმეთა სამინისტროდან აცნობეს.

მათივე ინფორმაციით, შეხვედრაზე განიხილეს თანამშრომლობის საკითხები ორმხრივ, მრავალმხრივ და რეგიონულ ფორმატებში. მხარეებმა ხაზი გაუსვეს პოლიტიკური კონსულტაციების ფორმატის გააქტიურების, მაღალი დონის ოფიციალური ვიზიტების, ბიზნეს მისიების ურთიერთგაცვლისა და საერთაშორისო ორგანიზაციებში კანდიდატურების ურთიერთმხარდაჭერის მნიშვნელობას.