„ბარი-ბარში“ „ლიბერთინსის“ მორიგი წვეულება გაიმართება

„ბარი-ბარში“ (გერონტი ქიქოძის #9) დღეს „ლიბერთინსის“ წვეულება გაიმართება. „პალიტრა L“-ის ინფორმაციით, წვეულებაზე მისულებს ელით უამრავი სიურპრიზი და სასიამოვნო საღამო, რომელზე დასწრებაც ნებისმიერ მსურველს შეუძლია.

„ლიბერთინსი“ არის თინეიჯერების ჯგუფი, რომელიც კითხულობს და არჩევს მათ თაობაში თანამედროვე, პოპულარულ, უცხოურ ლიტერატურას, რომელსაც შემდგომ გამომცემლობა „პალიტრა L“ ქართულ ენაზე გამოსცემს.

„პროექტის „ლიბერთინსი“ მიზანია, თინეიჯერებში წიგნიერების დონის ამაღლება და მათი წიგნთან უფრო მეტად დაახლოვება. პროექტის წარმართვაში, თვითონ თინეიჯერები, „ლიბერთინსელები“ გვეხმარებიან. ისინი ირჩევენ წიგნებს, რომლებიც სურთ, რომ ქართულ ენაზე ითარგმნოს“, - აცხადებს „ლიბერთინსის“ მარკეტინგის მენეჯერი, ნიკოლოზ დვალიშვილი.

„23 იანვარს წვეულებაზე ახალი „ლიბერთინსელების“ წარდგენა გაიმართება. ასევე, მოეწყობა პრეზენტაცია „ლიბერთინსის“, მისი სამომავლო გეგმებისა და ახალი წიგნების შესახებ; ფასდაკლებით გაიყიდება შემდეგი წიგნები: „სამუდამოდ გიკი“, „მინაუ ბლაის წმინდა ტყუილები“ და „მკვლელობაში ეჭვმიტანილის აღსარება“. ეს უკანასკნელი არა მარტო საინტერესო სიუჟეტით, არამედ საინტერესო ყდითაც გამოირჩევა. ის მეტალისაა და გამოსახულებას ირეკლავს. დაგეგმილია, აგრეთვე, გასართობი თამაშები _ ე.წ. „party games“, რომელთა გამარჯვებულებიც პრიზებით დასაჩუქრდებიან. წვეულებაზე ფოტოკონკურსის „ახალი წელი ლიბერთინსთან ერთად“ გამარჯვებულებიც დაჯილდოვდებიან. კონკურსანტები მონაწილეობას იღებდნენ მათ მიერ გადაღებული საახალწლო თემატიკის ფოტოებით, სადაც „ლიბერთინსის“ ერთ-ერთი წიგნიც იყო აღბეჭდილი. 14 იანვარს, სოც. ქსელში ხმის მიცემის გზით, 2 გამარჯვებული გამოვლინდა. მათ, „ლიბერთინსის“ წვეულებაზე, კომპანიის „Sami” ვირტუოზი მხატვრების მიერ ხელით შესრულებული პორტრეტები გადაეცემათ. წვეულებაზე გაიმართება ლუკა მამნიაშვილის სოლო კონცერტი“, - ნათქვამია ინფორმაციაში.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო