მამუკა ბახტაძე - რუსული ოკუპაცია ხელს უშლის საქართველოში ეკონომიკის უფრო სწრაფ განვითარებას

რუსული ოკუპაცია არის ყველაზე მტკივნეული გამოწვევა ჩვენი ქვეყნისთვის და ბუნებრივია, ამის შესახებ ჩვენ ყოველთვის ხმამაღლა ვსაუბრობთ, - ამის შესახებ საქართველოს პრემიერ-მინისტრმა მამუკა ბახტაძემ ტელეკომპანია „იმედის“ ეთერში განაცხადა.

მთავრობის მეთაურის თქმით, როდესაც ქვეყანას საქმე აქვს ოკუპაციასთან, აგრესიულ ნაბიჯებთან, რომელიც საქართველოს წინააღმდეგ ხორციელდება, ეს საქართველოში ეკონომიკის უფრო სწრაფ განვითარებას ხელს უშლის.

პრემიერ-მინისტრის თქმით, მიუხედავად ამ გამოწვევისა, საქართველოს აქვს ისეთი საინვესტიციო გარემო, რომელიც საშუალებას იძლევა, ქვეყანაში ინვესტიციები წამყვანმა კომპანიებმა განახორციელონ.

„საქართველომ ბოლო წლების განმავლობაში მოახდინა იმის დემონსტრირება, რომ მიუხედავად ამ ყველაზე მტკივნეული გამოწვევისა, ჩვენ ქვეყანაში გვაქვს პროგნოზირებადი გარემო. გვაქვს ისეთი საინვესტიციო გარემო, რომელიც საშუალებას გვაძლევს, მოვიზიდოთ ინვესტიციები წამყვანი კომპანიებისგან. სწორედ ეს არის ჩვენი მნიშვნელოვანი გზავნილი ყველა საერთაშორისო ინვესტორისთვის, რომ მიუხედავად იმისა, საქართველოს აქვს ეს გამოწვევა, ჩვენ ვართ ერთგული სამშვიდობო პოლიტიკის, ვართ ერთგული იმ ფასეულობების, რაზეც ავიღეთ პასუხისმგებლობა და შესაბამისად, საქართველოში ყოველთვის იქნება სტაბილური გარემო ინვესტიციებისთვის, საქართველო ყოველთვის იქნება მოწინავე ქვეყანა და მოწინავე ადგილი ინვესტიციებისთვის და ჩვენ ამაზე მივიღეთ ძალიან კონკრეტული დადებითი უკუკავშირი“, - განაცხადა მამუკა ბახტაძემ.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 26.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა