ლევან ხაბეიშვილი - ვერც ერთ ბიუჯეტში რატომ ვერ ხერხდება ბაღის პედაგოგების ხელფასების გაზრდის გათვალისწინება?

ვერც ერთ ბიუჯეტში რატომ ვერ ხერხდება ბაღის პედაგოგების ხელფასების გაზრდის გათვალისწინება? - აღნიშნული კითხვით მიმართა უმრავლესობის წევრებს ფრაქცია "ნაციონალური მოძრაობის" წევრმა ლევან ხაბეიშვილმა საკრებულოს სხდომაზე, სადაც 2019 წლის ბიუჯეტის გაზრდის საკითხს განიხილავენ.

"72 მილიონი ლარით რომ იზრდება ბიუჯეტი, რატომ ვერ ხერხდება ვერც ერთ ბიუჯეტში იმის გათვალისწინება, რომ ბაღის პედაგოგების ანაზღაურება გაიზარდოს? არ ეკუთვნით? თქვენ ხვდებით, რომ საპენსიო ფონდი შემოიღეთ და ამ ადამიანებს წელს ანაზღაურება მოაკლდათ? მათთვის ეს სერიოზული პრობლემაა. მაღალი თანამდებობის პირებისთვის, რომლებსაც 4000-5000 ლარი აქვს ანაზღაურება, ახალ წელს შეიძლება 8000 ლარიც აიღო, ეს არაფერია, ხოლო პედაგოგი, რომელიც 200-300 ლარზე მუშაობს, ეს 2% მისთვის გზის ფულია ან პურის ფული. ვისთვის იზრდება ეს ბიუჯეტი? კარგია, რომ გიხარიათ ბიუჯეტის ზრდა, მაგრამ ეს ჩვეულებრივი ამბავია. რა არის ამაში საოცარი? თქვენ წინა ხელისუფლების დროს უნდა გენახათ ბიუჯეტი როგორ იზრდებოდა", - განაცხადა ხაბეიშვილმა.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება