ირაკლი კობახიძე - არასამთავრობოებს შევთავაზეთ მონაწილეობა მიეღოთ მუშაობაში, თუმცა მათ ბოიკოტი გამოაცხადეს - ჩვენ გახსნილი ვართ დისკუსიისთვის

შევთავაზეთ არასამთავრობოებს მონაწილეობა მიეღოთ მუშაობაში, თუმცა მათ ბოიკოტი გამოაცხადეს. ჩვენ გახსნილი ვართ დისკუსიისთვის, - ამის შესახებ პარლამენტის თავმჯდომარე ირაკლი კობახიძემ სასამართლო რეფორმის ფარგლებში შექმნილი საინიციატივო ჯგუფის შეხვედრის დასრულების შემდეგ ჟურნალისტებს განუცხადა.

მისი თქმით, პროცესი სრულიად გახსნილია და მასში მონაწილეობის მიღება ყველას შეუძლია. „რაც შეეხება საბჭოს ორ არამოსამართლე წევრს და ასევე ოპოზიციის წარმომადგენლებს, მათ ისურვეს შემადგენლობის შეცვლა. ჩვენ ამასთან დაკავშირებით დავაფიქსირეთ ღია პოზიცია. მზად ვართ კონსულტაციებისთვის. შევთავაზეთ არასამთავრობოებს მონაწილეობა მიეღოთ მუშაობაში, თუმცა მათ ბოიკოტი გამოუცხადეს ამ შეხვედრას. ჩვენ ვართ გახსნილი დისკუსიისთვის, თუ ვინმეს სურს დამატებით წვლილი შეიტანოს ამ შეხვედრის მუშაობაში, ამისთვის ჩვენ მზად ვართ. პროცესი არის გახსნილი, ყველას შეუძლია მონაწილეობის მიღება და ასეთი გახსნილი პროცესის საფუძველზე შემუშავდება კანონპროექტი“,- განაცხადა კობახიძემ.

საქართველოს პარლამენტის თავმჯდომარის, ირაკლი კობახიძის ხელმძღვანელობით გაიმართა შეხვედრა, სადაც უზენაესი სასამართლოს მოსამართლეობის კანდიდატების დასახელების პროცედურასა და კრიტერიუმებზე იმსჯელეს. სამუშაო ჯგუფში შედიან: საპარლამენტო უმრავლესობის, იურიდიულ საკითხთა კომიტეტის და იუსტიციის უმაღლესი საბჭოს წევრები.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 12.12.2019
თემურ გოჩიტაშვილი - TANAP-ის ამოქმედების შედეგად საქართველო საერთაშორისო მასშტაბის მოთამაშედ ჩამოყალიბდა
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება