დავით ჭიჭინაძე პირადი ცხოვრების საიდუმლოს ხელყოფის დანაშაულზე -  ეს არ არის ერთი ადამიანის პრობლემა, ეს ჩვენი პრობლემაა და არ შეიძლება ამის გატარება

ეს არ არის ერთი ადამიანის პრობლემა, ეს ჩვენი პრობლემაა და არ შეიძლება ამის გატარება, - ამის შესახებ „პალიტრანიუსის“ გადაცემაში „360 გრადუსი“ დეპუტატმა დავით ჭიჭინაძემ განაცხადა. მისი თქმით, სამართალდამცველები, რომლებსაც ის შეხვდა, საკითხზე აქტიურად მუშაობენ. დეპუტატმა ის მიზეზიც განმარტა, რის გამოც დღეს გამომძიებლებმა მისი რძალიც დაკითხეს.

„კრიმინალური პოლიციის დეპარტამენტის წარმომადგენლები, რომლებსაც მე შევხვდი, საკმაოდ მობილურად და აქტიურად მუშაობდნენ. პირველად ჩემმა რძალმა ნახა ჩანაწერი ჩვენი ოჯახის წევრებიდან და მერე გადმომიგზავნეს. რომ მითხრეს, ხელფეხი გამიჩერდა, მოულოდნელი იყო და ამიტომ იყო პირველი განცხადება სპონტანური. 12:00 საათზე გვეწყებოდა კომიტეტი და 10:30 სათზე მოვიდა ვიდეო და ვერ გავიაზრე. რომან კაკულიას, კომიტეტის თავმჯდომარეს ვუთხარი, ისიც აღშფოთდა. ეს არ არის ერთი ადამიანის პრობლემა, ეს ჩვენი პრობლემაა და არ შეიძლება ამის გატარება“, - აღნიშნა დავით ჭიჭინაძემ.

დეპუტატი დავით ჭიჭინაძე და მისი რძალი შს სამინისტროს კრიმინალური პოლიციის თანამშრომლებმა დღეს დაკითხეს. საქმე ეხება დეპუტატის მიერ საჯაროდ გაკეთებულ განცხადებას, რომელიც შესაძლოა შეიცავდეს პირადი ცხოვრების საიდუმლოს ხელყოფის დანაშაულის ნიშნებს. შინაგან საქმეთა სამინისტროს ცენტრალური კრიმინალური პოლიციის დეპარტამენტმა გამოძიება 157-ე პრიმა მუხლის პირველი და მეორე ნაწილებით დაიწყო, რის ფარგლებშიც დეპუტატი დავით ჭიჭინაძე გამოკითხვაზე დაიბარეს.

იხილეთ ვიდეო: "ეს არ არის ერთი ადამიანის პრობლემა, ჩვენი პრობლემაა და არ შეიძლება ამის გატარება"

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ