ბრაზილიაში, კაშხლის გარღვევის შედეგად დაღუპულთა რიცხვი 65-მდე გაიზარდა, ხოლო უგზო-უკვლოდ დაკარგულად 279 ადამიანი ითვლება. ამის შესახებ მინას-ჟერაის შტატის საგანგებო სიტუაციების მართვის სამსახურის განცხადებაშია ნათქვამი.

შეგახსენებთ, რომ აქამდე საუბარი იყო 60 დაღუპულზე და 292 უგზო-უკვლოდ დაკარგულზე.

31 დაღუპული ადამიანის ვინაობა უკვე დადგენილია.

მინას-ჟერაის შტატში კაშხლის გარღვევა გასულ პარასკევს დაფიქსირდა.