საქართველოს პარლამენტის თავმჯდომარის ირაკლი კობახიძის განცხადებით, მოსამართლეთა ნაწილისა და უმრავლესობის წევრის, ვანო ზარდიაშვილის შეხვედრასთან და სასამართლო სისტემაში კლანის არსებობასთან დაკავშირებით, ოპოზიციის მხრიდან „სპეკულაციური მესიჯი" ვრცელდება.

როგორც კობახიძემ ფაქტთან დაკავშირებით დასმული კითხვის საპასუხოდ განაცხადა, ამ მესიჯს სიმართლესთან კავშირი არ აქვს.

„ეს არის სპეკულაციური მესიჯი, რომელიც ვრცელდება ოპონენტების მხრიდან, ოპოზიციის მხრიდან. ამას სინამდვილესთან არაფერი აქვს საერთო. რაც შეეხება კერძო შეხვედრას, თვითონ ამ შეხვედრის მონაწილეები გასცემენ პასუხს",- განაცხადა კობახიძემ.

შეგახსენებთ, „ტაბულამ“ ფოტო გაავრცელა, სადაც რუსთაველის გამზირზე მდებარე სკვერში უმრავლესობის წევრი დეპუტატის, ვანო ზარდიაშვილის და მოსამართლეების შეხვედრაა ასახული.