ზვიად კვაჭანტირაძე - სხვისი პირადი ცხოვრებით დაინტერესება, ჭუჭრუტანაში ჭვრიტინი, არასრულფასოვანი ადამიანების ავადმყოფური თვისებაა

სასწრაფოდ უნდა მოხდეს კონკრეტული დამნაშავის დადგენა და მისი პასუხისგებაში მიცემა - თუ ასე არ მოხდა, აი მაშინ მართლა გაფრთხილდით! - აღნიშნულ განცხადებას “ქართული ოცნების“ დეპუტატი ზვიად კვაჭანტირაძე ავრცელებს.

კვაჭანტირაძე “ფეისბუქის“ გვერდზე წერს, რომ სხვისი პირადი ცხოვრებით დაინტერესება და ჭუჭრუტანაში ჭვრიტინი იმ არასრულფასოვანი ადამიანების ავადმყოფური თვისებაა, ვინც საკუთარ ინტიმურ პრობლემებს ვერ უმკლავდებიან, სხვისი შურთ და ბოღმისგან სკდებიან.

„არ ვიცი, ვინაა ამ ბოროტების ჩამდენი, მაგრამ სრულიად ვუერთდები კატეგორიულ მოთხოვნას გამოძიების სასწრაფოდ ჩატარების და კონკრეტული დამნაშავის დადგენის თაობაზე. ამ ყოვლად ამაზრზენი მეთოდებით ბრძოლა ადამიანების წინააღმდეგ სამუდამოდ უნდა აიკრძალოს და გახდეს შეუძლებელი. ასე რომ, სასწრაფოდ კონკრეტული დამნაშავის დადგენა და მისი პასუხისგებაში მიცემა უნდა მოხდეს. თუ ასე არ მოხდება, აი მაშინ მართლა გაფრთხილდით! პირადი ცხოვრების ფარული გადაღება, გავრცელება, შანტაჟი დანაშაულია, ყველამ ვიცით, მაგრამ სხვისი პირადი ცხოვრებით დაინტერესებაც, ჭუჭრუტანაში ჭვრიტინი, არასრულფასოვანი ადამიანების ავადმყოფური თვისებაა, იმ ადამიანების, ვინც საკუთარ ინტიმურ პრობლემებს ვერ უმკლავდებიან და ამიტომ სხვისი შურთ და ბოღმისგან სკდებიან.

მოკლედ, ჯერ გამოძიების შედეგები სასწრაფოდ და დანარჩენზე მერე ვილაპარაკოთ!“ - წერს ზვიად კვაჭანტირაძე.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო