„ეროვნულ დემოკრატიული ინსტიტუტის“ კვლევის თანახმად, საქართველოს მასშტაბით გამოკითხული მოსახლეობის 42% პარლამენტის თავმჯდომარის, ირაკლი კობახიძის საქმიანობას დადებითად აფასებს.

კითხვაზე, როგორ შეაფასებდით პარლამენტის თავმჯდომარის ირაკლი კობახიძის საქმიანობას, 42 % პასუხობს, რომ კარგად აფასებს, ხოლო 32% აცხადებს, რომ ცუდად.

თბილისის მასშტაბით გამოკითხვისას, ანალოგიურ კითხვაზე პასუხისას, გამოითხულთა 39% ირაკლი კობახიძის მუშაობას ცუდად აფასებს, ხოლო 36% კარგად.

კვლევის საველე სამუშაოები ჩატარდა 6-20 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 2 205 პირისპირ ინტერვიუს წარმომადგელობითი შერჩევის საფუძველზე.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო. საშუალო ცდომილების ზღვარი 2,1%-ია.